MON PETIT BARRAW
Musique traditionnelle Irlandaise / paroles Hubert Goger
Quand qu'y fë chaw, en mitan d'rayssieye,
Au tchu du tonniaw, la porte ben crouilleye,
J'remplis mon barraw apreye tchëques boleyes
E j'pars do ma faw e mon p'tit barraw.
Pour batt' le blë, fëre vélë ene vache,
Pour fagottë, piquë des pataches,
On n'srët point des chefs
si qu'on kervrë d'souèf.
On n'bait point d'iaw do
mon p'tit barraw !
Quand j'voyaïge assis
su l'dos d'ma jument,
L'emmnë s'feure sailli
au ch'va à P'tit Jean,
Au p'tit jou' en route j'saque
ene petite goutte ;
Y m'tient ben chaw mon p'tit barraw.
RÉCIT :
Quand mon heure s'ra v'nue, apreye tant e tant d'boleyes,
Quand l'Bon Dieu (ou en'awt' mannetchin)
Vienra m'qu'rit pour m'emm'në
ceye lû, j'y dirë :
«Ecoutes-ma don', j'vieu ben t'sieud',
mains j'emmëne quante-ma
Mon p'tit barraw,
mon p'tit barraw.
Mon p'tit barraw,
mon p'tit barraw.
